新年梗係要一家人食餐好架啦🥰疫情夜晚冇得出街食，唔使怕，仲有超高質中菜廳都可以外賣返屋企慢慢嘆呀😋
位於尖沙咀的六公館環境優美，食物質素高，想試咗好耐🤭
趁住新年，叫咗個$2400既[黃金滿屋4人套餐]，我哋三個大人+一個小朋友食，份量非常足夠👍🏻
小米都食到停唔到口，食完個肚仔好似有左bb咁🤣
媽媽真心推介，每款菜式都非常好味😋
🔸龍眼蜜燒西班牙黑豚叉燒-其中一個出名的菜式，蜜汁叉燒燒到入晒味，肉質軟稔鬆化，食停唔到口
🔹雞樅菌撈黃金耳-呢個作為前菜有啲辣辣地刺激味蕾既作用
🔸鴻圖海皇翅-呢個真係一試難忘😍佢係蟹皇蟹肉翅，材料十足，啖啖都係蟹肉+翅，而且充滿濃濃的蟹皇味道～正👍🏻👍🏻
🔹金不換奶油蝦-呢個係第二推介，煮蝦既醬汁好有鹹蛋黃嘅味道，蝦肉都好入味，而且隻蝦好大隻，啖啖肉，食得好滋味😋
🔸龍井薰太爺雞-雞肉非常嫩滑，食得出係龍井茶葉煙燻嘅味道，件件雞上面都有好多茶葉，真材實料
🔹八寶白涼瓜-呢個鍾意食涼瓜嘅一定好鍾意，我食到咁大陣苦味🤭鍾意食苦瓜嘅人一定覺得好正
🔸發財好巿長壽麵-呢個麵妹妹搶着嚟食，因為炒得好惹味
📍六公館
尖沙咀廣東道3-27號海港城海運大廈地下OTE 101號舖
沒有留言:
張貼留言