一人有一個夢想
每個小女孩總會有一個變成公主既夢想
小米琪當然唔例外，想變做迪士尼既公主
今次終於夢想成真啦😍
每次去迪士尼樂園排隊同公主影相時
都會喺公主皇室庭園入面見到有工作人員幫著住公主裙既小朋友化妝變身成為公主👸🏼
小米琪都會心心眼並非常專注地注視着
然後帶着極渴望的眼神同我講「我都好想喺度化妝呀🥺」
小米爸媽見到寶貝女恨左咁耐，又心軟做咗黃大仙了🙈(黃大仙=有求必應）
預早同小米琪講定如果呢個月表現好乖就會獎勵佢去迪士尼化妝
點知佢真係好乖🤣所以就決定帶佢去迪士尼體驗公主化妝
出發前兩星期喺KKDay網頁預先買定化妝套餐[一日迪士尼公主體驗]香港迪士尼魔法化妝廳及預約時間，以免到時因為無預約而額滿要失望而回
KKDay網頁上有幾款套餐選擇，價錢不一
研究左一輪，原來分別係
1️⃣化妝地點
在樂園內：公主皇室庭園 (雖購買樂園門票入場)
在迪士尼酒店內：皇庭禮品店
2️⃣套餐分2種
城堡系列：附有公主禮服
皇冠系列：不包含公主禮服 (只適用於樂園內的「公主皇室庭園」)
*城堡系列的套餐價格會高一點，因為有條靚靚公主裙比你著走架🤩
我就選擇有埋公主裙既套餐
香港迪士尼酒店內的【皇庭禮品店】城堡系列
- 內容包含：髮型設計、服裝、皇冠、飾帶、權杖、指環套裝、閃爍化妝及化妝套裝、手部美甲、8x10吋精美照片連數碼照片乙張，隨相附送精美相片封套乙個。
・行程長度：約 45 - 60 分鐘（含造型及攝影服務時間）
套餐詳情：https://m.kkday.com/zh-hk/product/10322
期待左2星期既小米當日一早起身就問：「今日係咪去化妝呀」表現超級興奮～好合作就出得門口喇😂
出發啦～ 
去到酒店泊好車，小米興奮衝入去時發現搵唔到間【皇庭禮品店】的魔法化妝廳，先發現我地擺烏龍去錯左另一間酒店［迪士尼好萊塢酒店］因為上星期先喺到食完自助晚餐，所以當日好自然地去左呢間酒店
結果好趕急地開車過返去［香港迪士尼樂園酒店］車程都要3-4分鐘，步行要10分鐘架
所以大家唔好去錯呀～貼張圖比大家認住先
呢間酒店係去錯左既迪士尼好萊塢酒店 
終於去到正確化妝地點既酒店門口啦～
小米已經好心急所以求其望比我影相🙈 
見到［魔法化妝廳］的指示牌～跟著走就是了 
搭𨋢去一樓的Bibbidi Bobbidi Boutique
小米緊張到個心已經飛走左，完全唔望鏡頭😂 
到魔法化妝廳門口啦
即刻展露真摯的笑容+公主pose
入面已經有小朋友化好妝啦 
一入到去就見到啲公主裙同配飾一字排開，好壯觀，小米呆望左好耐😂仲即刻拎住對公主鞋唔放手
比左張由KKDay發出既換領化妝套餐憑證比工作人員核對預約先
資料正確就開始挑選公主禮服喇
拎左幾條拼上身 
挑選左幾條心水裙入試身室照鏡😂
好少女心呀😂
最後都係揀灰姑娘👸🏼
試上身照左好耐鏡😂
試完身啦😍之後可以揀配飾 
揀指甲油顏色
揀公主頭髮顏色 
開始化妝啦😍
首先搽指甲油，小米偷笑🤭 
搽完啦～
跟住就化妝～搽眼影，小米第一次搽好緊張，咪實隻眼😂 
Set頭 
揀戒指
揀貼上面既閃石貼紙
帶左戒指同埋貼左閃石上面
帶皇冠👑
搽埋口紅😂小米話終於都可以好似媽咪咁啦 
按捺不住興奮既心情偷笑😂
再帶埋公主飾帶同埋權杖 
變身成為灰姑娘啦🥳不過呢一刻小米仲未見到自己變身後既樣架～真係充滿神秘感～心急死小米😂因為化妝中途小米已經叫我比塊鏡佢睇下化成點
攝影師會幫小米影幾張變身後既相先
攝影師影既相真係靚好多😂（文末再分享專業相片既購買價錢）
工作人員開始唸魔法咒語～小米好快就可以見到自己化妝後既樣子啦
塊鏡轉緊過黎啦～我覺得呢個設計及安排好好，由化妝到set頭都見唔到過程，再突然見到自己變身變妝成為靚靚公主果種期待及興奮既心情，真係會令小朋友好難忘，好似做左一日灰姑娘咁呀🤩
小米最期待既畫面出現了～喺鏡入面見到自己真係變成灰姑娘，見到佢呆左幾秒😂
又補返專業相先～影到小米從鏡中見到自己變左身既一刻～
其實我覺得似港姐多啲😂
入去影相既backdrop, 攝影師就教小米擺pose影相啦
最後仲幫我地影左張全家幅添，妹豬都喺我肚入面🥰
影完相等左大約15分鐘就有相睇啦～可以揀相喇
套餐本身附送8”x10”相一張連數碼檔，其他相就要另外加錢買的
我地最後見到啲相，張張都咁可愛（戀女狂又上身） 所以揀左一本相簿+所有數碼相片下載$2388🙈
出發前本來好堅定話唔加錢買相的🥺🤣
確認付款後，再等大約15分鐘就有張咭比返我，上面有QR code,只要download返迪士尼Photopass既App就可以睇到相啦😍可於30天內預覽及下載相片
化完妝玩左近2小時，要離開了
仲喺酒店內既長樓梯扮灰姑娘去舞會情節😂好入戲，但可惜係著波鞋的灰姑娘🙊
呢啲物品連公主禮服係可以帶返屋企架🥰 
左邊係加錢購買的相簿，右邊係套餐附送的8”x10”相片一張
附送相片揀左家庭相 
相簿既相好靚呀😍仲加埋相框，好有記念價值❤️值得既～值得既(不停麻醉自己中🙄)
分享一下專業影樓feel既相先😍係自己影唔到既效果呀😂值得既～值得既(再繼續麻醉自己中🙃)
化完妝跟住就坐接駁巴士入樂園玩啦😍（雖要另外購買樂園門票的） 
下一篇blog再同大家分享著住華麗公主禮服入園有咩特別活動/優待 
希望大家鐘意今次我嘅分享啦~多謝收看
Siyi Bebee-小米琪日誌
歡迎合作/邀稿
合作試用
出席活動
食品/食評
穿搭
💌Email: siyibebee@gmail.com
Facebook page: www.facebook.com/siyibebee
IG: https://www.instagram.com/siyib
YouTube: https://www.youtube.com/channel/UCUOXPLGpeX6kY1riCGqDVrA
Blogspot: https://siyibebee.blogspot.com/?m=1
ESDlife blog: http://wow.esdlife.com/siyibebee
Openrice: yumi babe
