6•8結婚周年紀念
要同老公食餐好既🥰但小三又要跟住黎😪唯有三人行一齊食啦
不過幸運地老公訂了一扎鮮花送給我的驚喜❤️多謝你喺攪緊小米小一叩門時還有心情及記得偷偷訂扎花比我🥰滿是感動的
當日想食下生蠔海鮮，所以挑選了一間環境幽靜，於巿區中的綠洲
位於佐敦的［Chelsea Garden & Restaurant]
餐庭內佈置充滿清新的田園感覺，坐喺到聚餐心情特別覺得relax
未坐底小米已經話要飲白湯🤣
所以一去到先叫左個湯比小米
仲有我最鍾意嘅黑醋加麵包
而且前菜仲有新鮮橄欖，不過有一點鹹
💚黑松露野菌忌廉湯💚
香濃黑松露味，蘑菇碎磨得好幼滑，可以食得出蘑菇好新鮮，湯的質地濃厚度適中，黑松露與蘑菇味好夾，小米秒速清左碟湯🤣
💚甜洋蔥牛尾湯💚
簡單用洋蔥及牛尾煲的湯是最清甜，作為第一道菜清清地，特別舒服，湯內有牛尾一件，肉質好淋滑，好入味
💚生蠔配白酒一杯💚
半打生蠔，品種是［法國海洋女神Number two］一上枱見到隻隻都肥嘟嘟好飽滿，入口鮮甜，仲有啲海水味，非常新鮮
再配埋白酒簡直係prefect match
💚Today’s special 烤羊架💚
份量都不少，有3隻羊架，我不太喜歡太生的肉質，所以要了7成熟 ，烤得岩岩好，好香羊味，有so味先係正，肉質不會太淋，有口感，伴碟薯角都清埋，因為連羊架一齊焗薯角吸晒啲汁好正
💚西班牙龍蝦海鮮飯💚
這碟龍蝦海鮮飯是必點菜式，亦係老公指定要點嘅菜式🤣因為有大大隻龍蝦非常吸睛😍其他配料亦非常豐富，有大蜆，青口，西班牙辣香腸等
炒飯好入味，有小小辣，好惹味
大蜆鮮甜，呀女一隻接一隻，大蜆秒清🙈，辣肉腸有點偏鹹，不過西班牙腸就是要有鹹鹹的風味
到主菜龍蝦，大大隻舖滿整碟飯，肉厚彈牙，龍蝦鉗啖啖肉好正😍咬落去一啲都唔靭
🌿餐庭設有露台坐位，周圍也種有綠色的植物，相信白天坐在室外環境及氣氛一定更悠閒舒服
下次要約閨蜜黎午聚me time一下🥰
.
[Chelsea Garden & Restaurant]
📍佐敦柯士甸道7號UQ Place 4樓
