🌸親子燒烤推介🌸又玩又食一整天

 聖誕假期完滿結束後，終於都得閒分享下小米·悠去左邊到玩😆

聖誕節嗰日就去咗元朗「偉記燒烤樂園」親子場到燒嘢食，好在前一晚朋友臨時book到位😍太幸運了
當日場地開一點，我地一點前去到，係最早果一批😍最後燒到夜晚7:30，慢慢燒住野食同朋友傾下計好開心🥳

入場費+開爐費$50，已包一支大水及一款飲品，食物都有好多種類，雞豬牛羊都有，雞翼有辣/不辣，各式丸類，司華力腸，新鮮魷魚好值得推介，鮮甜爽脆🤤仲有牛油麵包，翠肉瓜，粟米，蕃薯🍠
發覺翠肉瓜面放一大pat牛油去燒原來係好juicy好入味🤭
當日仲見到好多有充足準備嘅食客，帶咗原個菠蘿，鱔，海鮮，蠔等等燒嚟食，好想join佢地果邊一齊食😆下次我都要帶備黎燒呀😍最重要係帶鍚紙💪🏻

  

場地仲有好多兒童遊戲設施，雖然係付費，但都好抵玩既🥰
有懷舊撈金魚，射汽球，掟彩虹，小朋友玩嘅籃球機，彈珠機，同埋其他喺冒險樂園見到嘅遊戲，男/女小朋友都啱玩，爸爸媽媽慢慢燒嘢食，小朋友就喺兒童區放電，真係好貼心🥰

     
我仲見到嗰度有獨立房，房內有麻雀枱，大電視，相信係可以唱k🤣下次都好想book呢間房，小朋友可以喺房內玩🥰大人放心喺出面燒野食，諗起都爽🥳

嗰度泊車係免費嘅，但係假日記得要早啲去霸位，因為我地夜晚6點開始見到大排長龍入場同等爐位，等車位

  

‼️相信聽日1月1日都好多人燒呀，希望你個小溫馨提示可以幫到你哋啦🥳
預祝各位🎉Happy New Year🥳🎊

收費：成人$200，小童$150
（假期收費會調整）

偉記燒烤樂園
地址: 元朗 大旗嶺路 677號
( 大棠路蝶翠峰後面)
預約電話：2443 1485 / 6057 1923
網址: www.YL.hk/YLBBQ

要BB乖乖坐定用餐,首先要讓BB愛上自己的HighChair❤️

 要小朋友乖乖坐定定食飯，一張舒服既HighChair真係好重要，好似大人一樣坐得舒服自然就會放鬆心情，好好享受用餐時間啦

之前一直用開平時喺餐廳都會出現既簡單款式highchair，由於佢冇腳踏位置，所以坐喺度食飯時悠B隻腳仔就會Fing下Fing下同埋不停踢，變得食飯好分心🥺同埋成日都同想逃離張櫈

最近為咗想悠b食飯時乖乖坐定定，所以換左張新既highchair 當代北歐設計的「Stokke® Steps™ 多功能嬰童椅」😍

 

米爸收到貨當日已急不及待安裝呢張Stokke Steps多功能highchair，安裝都非常方便，而且木既材質都好靚，我哋揀咗白色座椅+天然色櫸木椅腿

仲配埋原裝嬰兒套件餐盤+ 嬰兒套件

比較適合細小小嘅BB坐喺度用餐時可以使用安全帶，同埋可以調校坐下時靠著椅背嘅距離，佢圓形寬闊座椅和靠背設計係最符合人體工學原理

最鍾意佢係有一個可調整高度的腳踏位置，令小朋友可以舒適地將雙腳平放於腳踏上

最方便既地方係於調校高度，或者安裝/拆除其他配件時，都無需工具即可輕鬆調校，以配合小朋友唔同階段的成長需要，由6個月開始加固至4/5歲都可以用😍用足5年，真係性價比高

分享下點樣安裝/運用配件適合唔同階段既BB先：

6個月左右的 BB 可加裝嬰兒護欄，將座椅變成舒適的Highchair高腳椅，再配合幼兒餐盤和座墊，餵食時倍感輕鬆，讓座椅更實用

到2/3歲後時只需拆掉所有防護配件，可以繼續當餐椅用，或拆掉幼兒餐盤，直接拼埋大人枱一齊坐，一家人一起享受用餐時光, 好warm

第一日裝好2姊妹已經爭住坐😅

妹妹試坐後發現隻腳仔可以穩穩地踏著腳踏板好舒服，之後就主動話要坐上張新櫈到用餐（包括早，午，晚餐，下午茶，間唔中食啲小食）基本上係全日任何時間想坐底時就要求要自己爬上張櫈到🤣對張highchair 既熱愛情度簡直係有增無減😚

 

相信個腳踏板令小朋友可以舒適地放隻腳腳上去都係一個咁熱愛張櫈既關鍵

見到悠B每餐都坐定定食飯，又無扭計爬出逃離張櫈，已經覺得好值得，只係後悔唔早啲買，早享受

真心推介比有諗過買/換highchair既你唔好錯過張性價比咁高既Stokke® Steps™ 多功能嬰童椅啦❤

Jakewell 門市同 online shop 而家做緊cash rebate，Steps更加有額外優惠回贈，

係個最佳入手時機

Jakewell online shop: https://jakewell.com.hk/categories/stokke

Jakewell facebook 經常舉辦不同有獎活動，入去睇下，話唔定下一個幸運兒就係你🤤

https://www.facebook.com/jakewell.hk